ОӨАЖҚЖ ҚҰТҚАРУШЫЛАРЫ ИНТЕРАКТИВТІ САБАҚ ӨТКІЗДІ
Оңтүстік өңірлік аэроұтқыр жедел құтқару жасағының құтқарушылары Қызылорда облысы Төтенше жағдайлар департаментінің қызметкерлерімен бірлесіп, облыс аумағындағы қырық сегіз мектептің оқушылары үшін интерактивті сабақ өткізді. 1550 оқушы, 180 мұғалім қатысқан сабақта Қызылорда қаласы Төтенше жағдайлар басқармасының инженері аға лейтенант Эльмира Асанова былтырғы және биылғы өрт оқиғаларын салыстыра айтып, өрт туындаған жағдайда жасалатын әрекет жайлы кеңінен түсіндірді. ҚР ІІМ ТЖК «Оңтүстік өңірлік аэроұтқыр жедел құтқару жасағы» ММ медициналық – психологиялық бөлімінің құтқарушы-медбикесі Жанат Сатыбалдиева қыстың күндері балалардың жарақаттануы ұлғаюына байланысты, оларға алғашқы көмек көрсету турасында айтып өтті. Жарақат алу кезінде зардап шегушіге алғашқы медициналық көмек көрсету тәсілдерін көрсетті.
Сүңгуірлік-құтқару бөлімінің бас құтқарушысы Ролан Әбдіқалықов қыста су айдындарында жиналатын мұздағы қауіпсіздік тәртібінің ережелері туралы айтып берді.
