БАЛАЛАР КІТАП ПАТШАЛЫҒЫНА САЯХАТ ЖАСАДЫ
Ә.Тәжібаев атындағы облыстық әмбебап ғылыми кітапханасында «Кітап патшалығына саяхат» атты шара өтті. Мүмкіндігі шектеулі балалардың жеке тұлға ретінде қалыптасуына, рухани дамуына және қоғамдағы орнын табуына ықпал ететін шараға №7 арнайы түзету мектеп-интернатының оқушылары қатысты.
Саяхат барысында оқушылар Ә. Тәжібаев мұражайы, Тәуелсіз Қазақстан залы және балалар әдебиеті бөлімімен танысты. Жаңа түскен әдебиеттерге шолу жасалды.
«Мен және қоршаған әлем», «Неліктен? Неге? Не үшін?», «Кейіпкерлерді тап» атты викториналық ойындарға қатысқан балаларға шара соңында «Балдырған» залында мультфильм көрсетілді.
