ЖАСТАРДЫ ЖАТ АҒЫМНАН САҚТАНДЫРДЫ
Қазалы аудандық ішкі саясат бөлімінің тапсырысына сәйкес «Жас Орда» жастар қоғамдық бірлестігі және облыстық «Дін мәселелерін зерттеу орталығының» мамандарының ұйымдастыруымен №165 және 204 мектепте «Жат ағымнан өз бойыңды аулақ ұста» атты тақырыпта оқушылармен кездесу өткізілді. Кездесу барысында, облыстық «Дін мәселелерін зерттеу орталығының» Қазалы аудандық бөлімі меңгерушісі, теолог маман Нұрқазы Нәлібаев дін тақырыбы адамдарға әлі де болсын сенім мен күдік ұялататын, мәселенің бірі екендігін атап өтті.
Жиында діннің елдің тұтастығы және қоғамның тұрақтылығына тигізер әсері жайлы да айтылды. Осы бағыттағы түсіндіру жұмыстарын кеңейту жайлы әңгіме болды.
Шарада мектеп оқушылары мамандарға көкейіндегі сауалдарын қойып, жат ағымнан аулақ болу жайлы кеңестерге қанықты.
