Kyzylorda-News.kz

     Елімізде мемлекет және қоғам қайраткері, геология-минералогия ғылымдарының докторы, ғалым Шахмардан Есеновтің 90 жылдық мерейтойы кеңінен аталып өтті. Осыған орай Сырда ұйымдастырылған шаралар  облыс орталығынан бастау алып, қайраткердің туған жері Шиелі ауданында жалғасқаны белгілі.  

    Ауданда қайраткерге бюст орнатылып, дара тұлғаны кейінгі ұрпаққа таныта түсер ақындар айтысы ұйымдастырылды. Ғалымның туған ауылында мәдениет үйінің іргетасы қаланды.    

    Екі күнге созылған мерекелік шара аудан орталығында «Алтын күз-2017» елдік пен еңбек тойына ұласты.

    Бүгін аудан әкімі Қайратбек Әубәкірұлы қос мерейтойдың жоғары деңгейде өткізілуіне үлес қосқан бірқатар азаматтарға алғысын айтып, «Ш.Есеновке – 90 жыл» мерекелік медалін табыстады.