«СЫР ЖАСТАРЫ» БІРІНШІ ТҰҒЫРДАН КӨРІНДІ
Алматы қаласында өткізілген ІІ-ші республикалық жас архивистер конкурсында Қызылорда облысының мәдениет, архивтер және құжаттама басқармасына қарасты Қызылорда облысының мемлекеттік архивінің «Сыр жастары» командасы жүлделі бірінші орынды иеленді. Қызылорда облысының мемлекеттік архивінің қызметкерлері А.Бекмағанбетова, Г.Баймұханова, М.Қожамбетова және облыстық қоғамдық-саяси тарихы мемлекеттік архивінің қызметкері Ғ.Наурызбаевтардан жасақталған команда өнерін қазылар алқасы жоғары бағалады.
Конурстың екінші жүлдесі Солтүстік Қазақстан және Жамбыл облыстарының мемлекеттік архивтері командасына бұйырса, үшінші орынды жезқазғандық команда иеленді.
