АЙМАҚТЫҢ БАСШЫЛЫҚ ҚҰРАМЫ РЕСЕЙЛІК ӘРІПТЕСТЕРМЕН ОЙ БӨЛІСТІ
Өткен аптада «Жобаларды басқарудың негіздері» тақырыбында облыстың басшылық құрамын оқыту семинары өткізілді. Семинарды Ресей Федерациясы Белгород облысының делегациясы құрамы: Павлова Ольга Альбертовна – Белгород облысы губернаторының орынбасары – ішкі және кадрлық саясат депратаментінің басшысы және Кирилова Ирина Юревьна - Белгород облысының ішкі және кадрлық саясат депратаментінің жобалау – талдау және бақылау – ұйымдастыру басқармасының басшысы өткізді. Оқытудан 60 адамнан құралған жергілікті атқарушы органдардың басшылары өтті, сонымен қатар семинарға орталық атқарушы мемлекеттік органдардың облыстық бөлімшелерінің, құқық қорғау органдарының өкілдері (облыс әкімінің жанынан басым жобалар бойынша Эксперттік Кеңестің құрамына кіретін), оқу орындарының өкілдері мен Қызылорда облысының кәсіпкерлер палатасының және квазимемлекеттік ұйымдар өкілдері шақырылды.
Оқытудың қорытындысы бойынша оқыту қатысушыларына жобалық басқару негіздерін игеруі бойынша тестілеу ұйымдастырылады, содан кейін қосымша білімін жетілдірудің «Жобаларды басқарудың негіздері» кәсіби бағдарламасы туралы куәлік беріледі.
