БАБАҒА ҚҰРМЕТ – ҰРПАҚҚА МІНДЕТ
Ә.Тәжібаев атындағы облыстық әмбебап ғылыми кітапханасы халық батыры, қаһарман баһадүр, ұлт – азаттық қозғалысының қолбасшысы Жанқожа Нұрмұхаммедұлының рухына ұлықтауға арналған «Бабаға құрмет – ұрпаққа міндет» атты тарихи -танымдық сағат ұйымдастырды. Тарихи-танымдық сағатқа №253 қазақ орта мектебінің тарих пәнінің мұғалімі Қ.Тұрдықұлова мен Р.Абдраманова және 8 «Ә» сынып оқушылары қатысып, батырдың тарихи тұлғасы мен қаһармандық бейнесін ашып көрсетіп, оның өмір сүрген дәуіріне қатысты деректерді ортаға салды.
Оқушылар «Жаңқожа батыр» жыры мен батырға арналған өлең шумақтарын жатқа оқыды. Шара соңында оқырмандар «Ұлт-азаттық күрестің қаһарманы» атты кітап көрмесін тамашалады.
