Kyzylorda-News.kz

     Қызылорда облысы ТЖД Өрт сөндіру және авариялық-құтқару жұмыстары қызметі №1 мамандандырылған өрт сөндіру бөлімінің ауласында құтқарушылар күніне арналған өткен мерекенің әсерімен бөліскіміз келеді.

    Ауа райының қолайсыздығына қарамастан өрт сөндіру бөліміне бардық. Арнайы құтқару құралдарының күштерін көріп, автокөліктердің кабиналарына кіргенде, бүгінгі сапарымыздың сәтті боларын түсіндік. Сонымен қатар, осы күні өзімізді өрт сөндірушінің рөлінде сезінуге мүмкіндік туды. Төтенше жағдайлар дәрігерлері түрлі құтқару жағдайларында адамдарға қалай көмектескенін айтып берді. Салтанатты марш туралы әсеріміз тіпті бөлек.

    Ең бастысы біз осы күні өрт сөндіру мамандарының әрдайым тосын жағдайға сақадай сай тұратынын көрдік.