Kyzylorda-News.kz

     Азаматтық қорғау гарнизоны қызметкерлері арасында сыбайлас жемқорлыққа қарсы заңнамаларды түсіндіру, жолда жүру ережелерін бұзу фактілерінің алдын алу, салауаттық өмір салтын қалыптастыру мен діни экстремизм мен терроризмге қарсы бағыттағы жұмыстарды күшейту мақсатында Жаңақорған ауданындағы №10 өрт сөндіру бөлімінде жиналыс өткізілді.

    Жиналысқа Сыбайлас жемқорлыққа қарсы іс-қимыл ұлттық бюросының Қызылорда облысы бойынша департаменті Оңтүстік аймағы бойынша сыбайлас жемқорлыққа қарсы іс-қимыл ауданаралық басқармасының басшысы Р.Тілепов, «Нұр Отан» ХДП Жаңақорған аудандық филиалы төрағасының бірінші орынбасары М.Балқожаев, аудандық емхана психологы Ж.Ысқақов, Жаңақорған аудандық «Құмсаhаба» мешітінің бас имамы Е.Сейітжаппаров, облыстық «Дін мәселелерін зерттеу орталығының» Жаңақорған ауданы бойынша теолог маманы Ш.Айдаров қатысты.

    Шарада азаматтық қорғау органы қызметкерлері арасында сыбайлас жемқорлықтың алдын алу мен нашақорлық және оның зардаптары, діни көзқарас мәселесі жайлы кеңінен түсіндірме жасалды. Мамандар осы бағытта хабарлама жасап,  бөлім қызметкерлеріне жадынамалар таратылды.