ТІЛ КӨКЖИЕГІ КЕҢЕЙЕ ТҮСЕДІ
Сырдария аудандық әуез мектебінде ҚР Президенті Н.Ә.Назарбаевтың «Болашаққа бағдар: Рухани жаңғыру» бағдарламалық мақаласы аясында «Латын әліпбиіне көшу — тіліміз үшін жасалған игі қадам» тақырыбында талқылап өтті. Ұжым басшысы Марат Садуақас өз сөзінде латын әліпбиінің қазақ тілінде 1929 – 1940 жылдар аралығында қолданыста болғанын, одан кейінгі жылдары қазақ тілі кирилицамен оқылып жазылғанын айтып өтті. Латын графикасына негізделген әліпбиге көшу ең алдымен тіл көкжиегінің кеңеюі екендігін айтқан ол бұл бастаманы қолдауға шақырды.
Талқылауға қатысқан мектеп мамандары да бұл қазақ тілінің әлем тілдерінің қатарына қосылуына зор мүмкіндік беретінін жеткізді.
