ЖАҢА ӘЛІПБИДІ ЖАСТАР ЖАТЫРҚАМАЙДЫ
Төретам кентіндегі №269 орта мектепте латын әліпбиіне көшуге байланысты «Ұлттық әліпби халқымыздың игілігі» тақырыбында жиын болып өтті. Жиында мектеп директоры Фарида Аманова Елбасының латын әліпбиіне көшу туралы шешімі жайлы тарата айтып, бұл барша жұрт қолдайтын бастама екендігін жеткізді. Әсіресе, жаңа әліпбиді игеру балалар мен жастарға қиындық туғызбауы керек. Өйткені, қазіргі буын ұялы телефон арқылы латын қарпін игеріп алды. Сондай-ақ, бұл бастама Қазақстан үшін әлемге есік ашатыны айтылды.
Тілімізді байытып, ұлттық құндылықтарымызды әлемдік деңгейде танытудың тетігі де осы латын әліпбиі. Басқосуда бұл реформаға баршаның атсалысуы қажеттігі айтылды.
