Kyzylorda-News.kz

 

    Қызылорда қаласы, Тасбөгет кенті, Амангелді көшесінде орналасқан №4 дарынды балаларға арналған мектеп-интернатында өрт-тактикалық жаттығу өткізілді.
    Тактикалық ой бойынша  16 сағат 00 минутта  мектеп-интернаты жатақханасының 2 қабатындағы жатын бөлмесінде электр сымдарының қысқаша тұйықталуынан шартты өрт оқиғасы орын алды. Орталық өрт байланыс бекетінің диспетчері қала гарнизонын №2 шақыру белгісімен дабыл бойынша көтерді.  Жаттығуға 4  негізгі өрт сөндіру автокөліктері, 1  автосаты, 1 штабтық автокөлігімен 48 қызметкер қатыстырылды.
    Өзара әрекет ету нұсқаулығына сәйкес, Қызылорда қаласының тіршілікті қамтамасыз ету қызметткері «Апаттық медициналық орталығы», мемлекеттік мекемесі Қызылорда облысы бойынша филиалы, Қызылорда қаласы «Оңтүстік аэромобилдік жедел құтқару жасағы» мемлекеттік мекемесі, Қызылорда қаласы Ішкі істер басқармасы,  Қызылорда қалалық электр торабы және  «Каз Транс Газ аймақ» АҚ Қызылорда өндірістік филиалы тартылды.
    Жаттығу барысында қала гарнизоны жеке құрамы, мектеп  қызметкерлері қаланың тіршілікті қамтамасыз ету қызметтері мен  өртті сөндіру, авариялық-құтқару жұмыстарын жүргізу және зардаптарын жою бойынша іс-қимылдарын шыңдады.
    Б.ҚОСМҰРАТОВ
    Өрт сөндіру, авариялық-құтқару
    жұмыстары бөлімінің бастығы
    өртке қарсы қызмет подполковнигі