Kyzylorda-News.kz

     Облыстық балалар оңалту орталығында әр жыл сайын арнайы білім беру мекемелері арасында семинар өткізу дәстүрге айналған. Биылғы шара ерекше балалардың зерттеушілік әрекетін дамыту бағытында өтті.

    Мақсаты - мүмкіндігі шектеулі балалардың зерттеушілік қызметі арқылы экологиялық мәдениет негіздерін қалыптастыруға жағдай жасау.

    Жалпы орталықта мұндай шаралар жиі өткізіледі. Соның арқасында былтыр орталық тәрбиеленушілері мүмкіндігі шектеулі балалардың республикалық «Жұлдызай» шығармашылық фестивалінде ІІІ орын иеленсе, осы жылы фестиваль дипломаты атанды. Сонымен қатар, мұнда биыл тұрақты демеушілердің көмегімен балалардың ойын алаңы іске қосылды.

    Орталықта соңғы технологиямен жабдықталған логопедиялық тренажер Дельфа-142 компьютері, құрғақ шарикті бассейн, швед қабырғасы, ойын лабиринті, сенсорлық жол және мамандар бөлмесі қарастырылған.

     Биылғы семинар өзегі – «Эбру» әдісімен суда сурет салу мен тұзды түрлі- түсті түске бояу әдісі. Балалардың осы бағыттағы жасаған жұмыстарына баға беріліп, туындылар көрмеге табысталды. көрмесіне тапсырды.