Kyzylorda-News.kz

     Бүгін Қорқыт Ата атындағы Қызылорда мемлекеттік университетінің “Есептеу техникасы және ақпараттық жүйелер” кафедрасының базасында «CISCO желілік академиясының» ашылу рәсімі болып өтті. Шараға ҚМУ проректоры, ауыл шаруашылығы ғылымдарының докторы Ибадулла Таутенов, Ақпараттық технологиялар және ғылыми жұмыстарды коммерцияландыру басқармасының басшысы, техника ғылымдарының кандидаты Қуаныш Дәуренбеков, “Есептеу техникасы және ақпараттық жүйелер” кафедрасының меңгерушісі, PhD докторы Сәбит Ибадулла, информатика мамандығының студенттері және профессор-оқытушы құрамы қатысты.

    CISCO желілік академиясы –халықаралық компания. Компьютерлік желілерді жобалау, құру, қорғауды теориялық және тәжірибе жүзінде электронды түрде оқытып мамандар даярлайтын бүкіләлемдік академия толық оқу материалдарымен қамтылған және студенттерді ақпараттық технология саласында қажетті білім алумен қамтамасыз етеді.

    Бағдарлама Интернет арқылы алуға болатын оқу материалдардан, алған білімдерін бағалаушы электрондық тестілеу жүйелерінен, практикалық, лабораториялық сабақтардан, сонымен қатар кәсіптік деңгейдегі сертификаттар алуға дайындық курстарынан тұрады.

    Қатысушылар әлемді мойындатқан желілік академияның Сыр жерінде ашылуы аймақ ғылымының дамуына ерекше серпін береді сенім білдірді.