ӘСЕЛ СЕРІКБАЙ БҮКІЛӘЛЕМДІК ОЛИМПИАДАҒА ҚАТЫСАДЫ!
Қызылордалық жас шахматшылар Әсел Серікбай мен Назерке Нұрғалидің есімдері бүгінде жер жүзінің спортсүйер қауымына жақсы таныс. Қос спортшының Сыр өңірі тарихындағы шахматтан алғашқы ФИДЕ шеберлер екендігін де айта кетейік.
Биылғы жылғы оқушылар арасында әлем, 3 дүркін Азия чемпионы атанған Әсел Серікбай мен әлем чемпионатының күміс жүлдегері Назерке Нұрғали қарашада Италияда өтетін әлем чемпионатына дайындалуда. Олар дүбірлі бәсекенің алдында 1-7 қарашада Алматы қаласында болатын оқу-жаттығу жиынына барады.
Содан кейін Әсел Серікбай 10-20 желтоқсанда Гуджарат штатында (Үндістан) 16 жасқа дейінгі жасөспірімдер арасында болатын бүкіләлемдік олимпиадада облыс намысын қорғайды.
Ал келер жылы қос спортшы Албанияда өтетін әлем, Тайландта болатын Азия чемпионаттарында бақтарын сынамақ.
