АЙМАҚТА 3500 ТОННАДАН АСТАМ ЖАНАР-ЖАҒАРМАЙ ҚОРЫ БАР
Бүгінгі күнгі мониторинг мәліметтеріне сәйкес облыста АИ-92 маркалы бензиннің орташа бағасы 151,5, АИ-80 маркалы бензиннің орташа бағасы 89, ал дизель отыны 147,5 теңге болып отыр. Бұл туралы бүгін Өңірлік коммуникация орталығында өткен брифингте облыстық кәсіпкерлік және туризм басқармасы басшысының орынбасары Азамат Досжанов хабарлады. Басқарма басшысының орынбасары облыста мұнай өнімдерінің қоры мұқият қадағаланып отырғандығын жеткізді. Дәл қазір аудандар мен Қызылорда қаласындағы жанар-жағар май құю бекеттерінде 1646,1 тонна АИ-92 маркалы бензині; 104,6 тонна АИ-80 және 1590,2 тонна дизель бар.
– Негізсіз баға өсімінің алдын-алу және жасанды тапшылықты болдырмау мақсатында Қызылорда облысы бойынша табиғи монополияларды реттеу және бәсекелестікті қорғау департаментімен бірлесіп облыстағы жанар-жағар май құю бекеттерінде бағалардың негізсіз өсуі бойынша тексерулер жүргізіп, түсіндірме жұмыстары жүргізуде, – деді Азамат Досжанов.
