ҚОЙМАЛАРҒА КӨМІР ЖЕТКІЗІЛУДЕ
Аймақта көмір жетіспеушілігінің алдын алуға байланысты жұмыстар жандана түсті. Қазір қаладағы Мұстафа Шоқай көшесі бойында орналасқан "РУСКОМ" ЖК-нің көмір қоймасына 210 тонна көмір түсіріліп, таратылуда. Алыпсатарлықтың алдын алу үшін қазірше бір адамға тек 3 тонна көмір беріліп жатыр. Жауапты мамандардың мәліметінше алдағы 1-2 күндікте тағы да 5 вагон көмір келеді. Көмір тасымалдаушы мекемелердің тапсырыстарды жедел орындауы барынша қадағалануда.
Сонымен қатар, қоймаларға көмірдің түсірілуі жайлы ақпараттар жүйелі түрде беріліп отырады.
