РЕСПУБЛИКАЛЫҚ КОНКУРСТЫҢ ІРІКТЕУ КЕЗЕҢІ ӨТТІ
Қызылордада облыстық "Дарын" қосымша білім беру орталығында "Қабылдаған дұрыс шешімдерім - менің өмірлік ұстаныным" республикалық эссе конкурсының іріктеу кезеңі өткізілді. Елбасы Н.Ә.Назарбаевтың «Болашаққа бағдар: рухани жаңғыру» мақаласындағы міндеттерді жүзеге асыруды көздеген шарада Қазақстанның ғылыми-техникалық дамуына үлес қосатын еңбектер жайлы айтылып, қоғамдық сананы түлету жолында жүрген зиялылар іс-тәжірибесін кеңінен тарату жайлы сөз болды.
Әділ-қазылар алқасының шешімімен республикалық кезеңге Қазалы қаласындағы Ғ.Мұратбаев атындағы №17 мектептің қазақ тілі мен әдебиеті пәні мұғалімі Әйгерім Теңгебаева мен №10 дарынды балаларға арналған облыстық «Білім-инновация» лицей-интернатының 9-сынып оқушысы Айсана Өскенованың жұмыстары ұсынылды.
