Kyzylorda-News.kz

     Бүгін ҚР Еңбек және халықты әлеуметтік қорғау министрлігінің ресми сайтында өндіріс еңбеккерлері мен еңбек әулетттері арасында өткізілетін «Еңбек жолы» байқауының республикалық кезеңіне онлайн дауыс беру басталды.

    Онлайн дауыс беру 2017 жылдың 20 қазанына дейін жалғасады. Дауыс беру қорытындысына сәйкес «Еңбек жолы» байқауының республикалық комиссиясы жеңімпаздарды анықтайды.

    Естеріңізге сала кетейік, «Еңбек жолы» байқауы 2016 жылы бекітіліп, қазіргі уақытта «Үздік еңбек әулеті», «Өндірістің үздік жас маманы», «Жұмыс істейтін жастардың үздік тәлімгері» аталымдары бойынша жүргізілуде. Жастарды еңбекті қадірлеу рухында тәрбиелеу, еңбек өнімділігін ынталандыру, ең үздік еңбек әулеттері мен кәсіпорын жұмысшыларын анықтауды көздеген байқау жеңімпаздары 2017 жылдың 27 қазан күні Еңбек күнін мерекелеуге арналған «Жалпыға ортақ еңбек қоғамы» республикалық форумында марапатталады.