ЛАТЫН ӘЛІПБИІ – ТӘУЕЛСІЗ ЕЛДІҢ ЕРКІН ТАҢДАУЫ
Қызылорда қаласындағы «Ұлттық Банк» филиалында мекеме қызметкерлерінің қатысуымен қазақ алфавитін латын әліпбиіне көшіру мәселесін талқылаған жиын болып өтті.
Жиында бұл бастаманың қажеттілігі және оның стратегиялық маңызға ие екендігін түсінген ел тұрғындары тарапынан қолдау тауып отырғандығы айтылды. Шарада қатысушылар жаңа әліпбиді тез әрі ұтымды игерудің жолдары жайлы ойын білдіріп, оған көшудің тиімділігі жайлы пікірлерін жеткізді.
Жаңа әліпбиді талқыға салған отырысқа Қызылорда облыстық ішкі саясат басқармасы «Тілдерді оқыту орталығының» қызметкері Б. Байділдаева қатысып, бұл реформаның ел өміріндегі тарихи бетбұрыс әрі тәуелсіз елдің еркін таңдауы екендігін айтып өтті.
