Kyzylorda-News.kz

     Қазіргі қалыптасып отырған саяси-экономикалық жағдайға байланысты Мемлекет басшысы барлық жергілікті басқару органдарының алдына халықты жұмыспен қамту мәселесін алға тартып, аталмыш мәселені шешу барысында ауылдық жерлерде жаппай ауылшаруашылық кооперативтерін құру қажеттілігін баса айтқан еді.

    Осы ретте, Арал ауданы бойынша 25 ауылшаруашылығы өндірістік кооперативі құрылды. Соның ішінде, қазіргі кезде мемлекет тарапынан несие алып, жұмыс жасап жатқан Октябрь ауылдық округінен құрылған «Шижаға-16» ауылшаруашылығы өндірістік копперативінің жұмысы ырғақты.

    Нақтырақ айтқанда, кооператив мүшелікке 65 адам тартып, 50 сиырдан сүт өндіру және жеке тұлғалардан сүт қабылдау жобасына «Ауыл шаруашылығын қаржылай қолдау қоры» акционерлік қоғамының облыстық филалы арқылы бастапқыда 6,5 млн. теңге несиеге қол жеткізген. Аталмыш қаржы көзіне сүт тасымалдайтын бір автокөлік және сағатына 8 литр сүт өңдейтін сеператор, танкер салқындатқыш және мұздатқыш сатып алған кооператив бүгінде сүтті Октябрь және Сазды ауылдық окрутеріндегі жеке және шаруа қожалықтарынан жинауда.

    Белгілі болғандай, осы кезге дейін олар 5800 литр сүт өндіріп, Арал қаласындағы "Қамқор тұтыну" ЖШС-не өткізген. Бұдан бөлек, «Шижаға-16» кооперативі құны 13,5 млн. теңге тұратын мал сою модулін сатып алу бағытында жұмыстар жүргізіп, аудандық жер қатынастары бөлімінен аукцион арқылы үстіміздегі жылдың 4 тамызында 1000 шаршыметр жер телімін алды..