Kyzylorda-News.kz

     Қызылордада бұқаралық спортты дамыту мен салауатты өмір салтын насихаттауға арналған веложарыс өтті. Облыстық дене шынықтыру және спорт басқармасының ұйымдастырған шараға 200-дей әуесқой спортшы қатысты.  №3 велоспорт жөніндегі олимпиадалық резерв мектебінің алаңынан басталған 8 шақырымдық жарыста қатысушылар Ш.Есенов, Тәуелсіздік даңғылы арқылы жүріп өтіп, Сұлтан Бейбарыс көшесінде мәреге жетті.  

    Сайыста  ерлер арасында Пазылбек Жақсылық бірінші тұғырдан көрінсе, әйелдер арасында , Ғалия Қуатбаева жеңімпаз атанды.

    «Ең жас қатысушы» номинациясын 12 жастағы Бекзат Қойшыбаев иеленсе, «Жасы үлкен қатысушы»  болып 53 жастағы Ерғали Шөмішбаев танылды, ал Нұрбол Сейтқалиевке «Белсенді қатысушы» номинациясы бұйырды.