РУХАНИ ЖАҢҒЫРУ: ЗЕЙНОЛЛА ШҮКІРОВТІҢ 90 ЖЫЛДЫҚ МЕРЕЙТОЙЫ АЯСЫНДА АЙМАҚТЫҚ АҚЫНДАР АЙТЫСЫ ӨТТІ
Қайсар ақын, жазушы З.Шүкіровтің 90 жылдық мерейтойы аясында ақын атындағы қалалық мәдениет үйінде «Кіндігім бірге Аралмен» атты аймақтық ақындар айтысы өткізілді. Сайыста еліміздің әр аймағынан келген барлығы 14 ақын бақ сынады. Дүбірлі айтыста ақындар жырдан шашу шашып, бір-біріне өткір сұрақтар қойып, ұтымды жауаптар қайтарып, көрермендерді желпіндіріп отырды.
Әділ қазылардың шешіміне сәйкес ақындар айтысының бас жүлдесін Астана қаласының атынан қатысқан ақын Мұхтар Ниязов жеңіп алды. Қызылордалық Айнагүл Әбуова жүлделі I орынды иеленді. Жүлделі II орынды жалағаштық ақын Айдос Рахметов иеленді. Ал III орынды Қызылорда қаласынан келген Ержеңіс Әбдиев, Алматы қаласының атынан қатысушы Мөлдір Айтбай, аралдық ақын Бексұлтан Орынбасаров алды.
