Kyzylorda-News.kz

     «Адамды ештеңе де еңбектей ізгілендіре алмайды» дейді шығыс даналығы. Сол айтпақшы, мұратқа жеткізетін, өмірді сәнді де салтанатты ететін – еңбек. Бақытын осы еңбектен тапқан жандардың бірі Қызылорда облысы ҚАЖ департаменті  ЗК-169/5 мекемесінде талай жыл абыройлы қызмет атқарған Роза Асқарова Роза Кеңесқызы зейнет демалысына  шыққан аяулы ана, асыл жар, ардақты әже.  Өнегелі қызметі мен еңбекпен өрілген өмірі – болашақ  ұрпаққа үлгі бола білген Роза Кеңесқызын  мекеме ұжымы «1 қазан-Халықаралық қарттар күні» мерекесіне  орай құттықтап барды.  Ол кісінің тағылымды тағдыры , қызметтегі адалдығы, өмірдегі адамгершілік қасиеттері туралы ұжымдастары  кеңінен әңгімелеп, жүрекжарды тілектерін жеткізіп, сый-сияпаттарын табыстады.

    Мерекелік шараның соңында сөз алған мекеме бастығының тәрбие ісі жөніндегі орынбасары Бақытжан Омаров ардагерлерді ардақтау бағытындағы жұмыстар жоғары деңгейде ұйымдастырылып, алдағы уақыттарда да жалғасын таба беретініне айтты, алдыңғы толқынға деген құрмет кемімейтіндігін жеткізді.