ТАКТИКАЛЫҚ ЖАТТЫҒУ СӘТТІ ӨТТІ
«Саутс-Ойл» серіктестігінің №23 өрт сөндіру авариялық-құтқару бөлімінде «Өрт сөндіруші» АҚ филиалының мамандары өрт–тактикалық жаттығу өткізді. Жаттығу барысында объектінің жедел–тактикалық ерекшеліктері және өрт қауіпсіздігі зерделеніп, мүмкін болатын өрттерді сөндіру бойынша бірлескен тәжірибелік әрекеттер пысықталды. Жаттығу жоспарына сәйкес отын сынамасын алуда өрт қауіпсіздігі ережесін бұзу нәтижесінде РВС-300 мұнай сақтағышында өрт пайда болды. Адамдар оқиға орнынан қауіпсіз аймаққа көшірілді.
Мұнай базасының инженері телефон желісі бойынша филиалдың өрт сөндіру авариялық-құтқару бөліміне хабарлады.
23-ӨСАҚБ кезекшілігіндегілер автокөлік автоцистерналарын орнатып, жауынгерлік қанат жаюды жүргізді. Өртке қарсы су жабдығының техникалық жағдайы және басқа да өрт сөндіру құралдары, сонымен бірге қорғалатын объектіде техника қауіпсіздігін қамтамасыз ету даярлықтарына тексеру жүргізілді.
Өрт-тактикалық жаттығу соңында филиалдың 23-ӨСАҚБ жұмысшыларының әрекеттеріне талдау жүргізілді.
Жаттығу филиалдың 23-ӨСАҚБ-нің бөлімшесі нысанда жану ошақтарын жою бойынша жедел әрекеттерге дайын екендерін көрсетті. Қойылған міндеттерді барлық қатысушылар сәтті орындап шықты.
