НЫСАНДАР ЖҰМЫСЫМЕН ТАНЫСТЫ
Өңірлік коммуникация қызметі орталығы БАҚ өкілдері үшін облыс орталығындағы кәсіпкерлік нысандарға пресс-тур ұйымдастырды. Журналистер барған алғашқы нысан «Нур-Строй ЛТД» ЖШС темірбетон бұйымдарын өндіру саласы бойынша Қызылорда облысындағы алдыңғы қатарлы өндіріс орны. Жылына 45 мың тонна темірбетон өнімін өндіретін кәсіпорын 190 адамды жұмыспен қамтып отыр.
Серіктестік өкілдері БАҚ өкілдерін жұмыс барысымен таныстырып, алдағы жоспарлары жайында ой бөлісті.
Ал «Газ Трейд» ЖШС-нің «Автомобильді газбен толтыру бекеті» индустриялық – инновациялық даму бағдарламасы аясында өткен жылы іске қосылған. Қазір кәсіпорын қызмет аясын кеңейтіп, тұтынушылар қатарын көбейтіп отыр.
Журналистер «НефтьПромСнаб» серіктестігіне де барды. Осыдан 4 жыл бұрын кәсіпорын осыған дейін Қытай, Еуропа және алыс шет елдерден шыныпластикалық құбырлаларды жеткізумен айналысса, өткен айдан бастап мұнай саласына арналған шыныпластикалық құбырларды өндіруде
Пресс-тур аясында БАҚ өкілдері «Қызылорда құрылыс материалдары» ЖШС мен «Асбол» серіктестіктерінде болып, өндіріс орындарының тыныс-тіршілігін көрді.
