КІТАПХАНАДА ДӨҢГЕЛЕК ҮСТЕЛ ӨТТІ
Ә.Тәжібаев атындағы облыстық әмбебап ғылыми кітапханасында №1 Қызылорда арнаулы әлеуметтік қызметтер көрсету орталығындағылар үшін «Мейірімділік жүректен» атты ашық есік күні өтті. Орталықтан қызмет алушылардың рухани көзқарасын кеңейту, еліміздің мәдени және рухани мұрасын насихаттау, кітапхана қорындағы сирек және құнды кітаптармен сондай-ақ, қолжазбалармен таныстыруды көздеген шарада кітапхана жайлы, оның тарихы мен жетістіктері туралы бейнефильм көрсетілді.
Сондай-ақ қызмет алушылардың назарына «Рухани жаңғыру – ұлттың жаңғыруы», «Жаңа әдебиеттер», «Жыр әннің елі, Тұранның төрі Сыр елі» атты тақырыптық көрмелер ұсынылды.
Қонақтар Қазақстанның халық жазушысы, аудармашы, драматург «Қалтай Мұхамеджановтың жеке кітапханасы» залымен, Тәуелсіздік залы бөлімдерімен танысып, дөңгелек үстел басында өз ойларымен бөлісті.
