«ЖАСТАР-БОЛАШАҚ ЭНЕРГИЯСЫ!» ОБЛЫСТЫҚ ЕРІКТІЛЕР СЛЕТІ ӨТТІ

Еске сала кетсек, Қызылорда облысының «Экспо-2017» еріктілер тобы 2014 жылы құрылып табысты қызмет атқарып келеді. Еріктілеріміз Астана қаласында өткен еліміздегі айтулы әрі тарихи өткізілген халықаралық мамандандырылған көрмесінде тамыз айының 4 мен қыркүйек айының 10 күнге дейін еріктілік қызметтерін атқарған болатын. Облыстан аттанған 100 ерікті абыройлы қызмет атқарып, арасында 7 тим лидер сайланып облыстан Ибрагим Рауан республикалық еріктілер форумында, «Үздік ерікті» номинациясымен марапатталған болатын. Астана қаласында өткен еріктілер арасындағы футболдан турнирде, Сырдың еріктілері 2 орын иемденді.
2 қазан күні, слет аясында облыстық Ә.Тәжібаев атындағы облыстық әмбебап кітапханасында «Экспо-2017» еріктілеріне арналып «Қазақстандағы еріктілер қозғалысы: өткені, бүгін, болашақ» және «Экологиялық ойлау» тақырыптары бойынша семинар-тренинг өткізілді. Семинарды еріктілер қызметін ұйымдастырудағы білікті маман, «Экспо-2017» еріктілері республикалық штабы төрағасының орынбасары Дәурен Жолдасбаев өткізді. Семинар барысында Дәурен Жолдасбаев еріктіліктің қоғамдағы маңызына әрі қоғамдағы мәселелерді шешудегі эффективті жолдарының бірі екендігін түсіндірді. Екінші тақырып бойынша табиғаттың тазалығынада еріктілердің қосатын үлесі зор екендігіне кеңінен тоқталды. Семинар соңында еріктілерге сертификаттар табысталды.
Кеше А.Тоқмағамбетов атындағы Қызылорда қалалық мәдениет үйінде «Жастар-болашақ энергиясы!» атты облыстық еріктілер слеті өткізілді. Слетке Қызылорда облысы әкімінің орынбасары Р.Рүстемов қатысып, еріктілерді құттықтап әрі Қызылорда облысының әкімі Қ.Е.Көшербаевтың Алғыс хатын табыстады. Мұнымен қоса еріктілер бағалы сыйлықтармен марапатталды.


