ҚЫЗЫЛОРДАЛЫҚ ЕКІ МҰҒАЛІМ «ҮЗДІК ПЕДАГОГ» АТАНДЫ
Республикалық конкурстық комиссия «Үздік педагог» атағын тағайындады. Бұл туралы ҚР Білім және ғылым министрлігінің сайты хабарлайды. Осы атақты беру жөніндегі комиссияның 2017 жылғы 28 қыркүйектегі отырысының қорытындысында мектепке дейінгі және жалпы орта білім жүйесі бойынша 48 ұстаз «Жылдың үздік педагогі» атағына лайық деп танылды.
Олардың қатарында қызылордалық екі мұғалім бар. Олардың бірі Сағатбек Қарапаев № 144 С. Әлжіков атындағы орта мектептің музыка пәні мұғалімі болса, Сәуле Әлденова Қ. Мұхамеджанов атындағы № 1 мектеп-гимназиясында орыс тілі мен әдебиеті пәнінен сабақ береді.
