Kyzylorda-News.kz

              «Байқоңыр қаласының мәртебесi және ондағы  атқарушы органдарды құрудың тәртібі  мен олардың мәртебесі  туралы» 1995 жылғы 23 желтоқсандағы Қазақстан Республикасы мен Ресей Федерациясы арасындағы  келісімге енгізілген өзгерiстерге байланысты, Хаттама Қазақстан Республикасының  2016 жылғы 24 қарашадағы №22-V1 Заңымен ратификацияланып, биылғы 5 шілдеден күшіне енді. 

    Осы Келісімнің 12-1 бабына сәйкес, Байқоңыр қаласының салық органында тіркелген дара кәсіпкерлер немесе заңды тұлғалар, Қазақстан Республикасының басқа аумағында тіркелген жеке кәсіпкерлер немесе заңды тұлғалар арасында жасалатын тауарларды өткізу айналымдары болған жағдайда, Байқоңырдан   Қазақстан Республикасының өзге аумағына тауарлар әкетілетін, елдің өзге аумағынан қалаға тауарлар әкелінетін жағдайда нөлдік ставка бойынша қосымша құн салығы салынады және акцизделетін тауарларға қатысты акциздер төлеуден босатылады.

    ҚҚС-ның нөлдік ставкасын қолдану мен акциздерді төлеуден босатудың  негізділігін  растайтын  құжаттар:

    1. ҚР  өзге аумағынан (аумағына) Байқоңыр қаласының аумағына (аумағынан) әкету жүзеге асырылатын  келісімшарттар;

    2. тауарларды өткізуден түскен түсімнің іс жүзінде түсуін растайтын банктің үзінді көшірмесі;

    3. Қазақстан Республикасының салық органының немесе Байқоңыр қаласы салық органының белгісі бар, тауарды сатып алушының орналасқан жері бойынша тауарларды әкелуі және жанама салықтарды төлегені туралы өтініші (қағаз жеткізгіште немесе эл.түрде);

    4. Байқоңыр қаласының аумағынан Қазақстан Республикасының өзге аумағына тауардың әкетілуін немесе Қазақстан Республикасының өзге аумағынан Байқоңыр қаласына тауарлардың әкетілеуін растайтын көліктік және өзге де құжаттар;

    5. тауарларды әкету кезінде, ҚР мен Ресей Федерациясының салық заңнамасында көзделсе, ҚҚС-тың нөлдік ставкасын қолданудың және акциздерді төлеуден босатудың негізділігін растайтын өзге де құжаттар;  

    Қазақстан Республикасының заңнамасына сәйкес әкелу кезінде салық салынуға жатпайтын тауарларды қоспағанда, Байқоңыр қаласының аумағынан Қазақстан Республикасының өзге  аумағына тауарлар әкелуге  Қазақстан Республикасының салық органдары өндіріп алатын және Қазақстан Республикасының бюджетіне төленетін жанама салықтар ҚР Салық кодексінде белгіленген ставкалармен салынады.

    Сәйкесінше, салық төлеуші тауарларды әкелу мен жанама салықтардың төленгені туралы өтінішін 328.00 СЕН  және импортталған тауарлар бойынша жанама салықтар жөніндегі 320.00 СЕН декларациясын  салық кезеңінен кейінгі айдың 20-сынан кешіктірмей, өзінің тұрғылықты жері бойынша салық органына электрондық түрде  табыс етуге міндетті.

    Қазақстан Республикасының өзге аумағынан Байқоңыр қаласының аумағына тауарлар әкелуге Ресей Федерациясының заңнамасына сәйкес Ресей Федерациясының аумағына және оның юрисдикциясында болатын өзге аумаққа әкелу кезінде салық салуға жатпайтын (салық салудан босатылған) тауарларды қоспағанда, Байқоңыр қаласының салық органы өндіріп алатын Ресей Федерациясының Салық кодексінде белгіленген ставкалар бойынша жанама салықтар салынады.