ҚЫЗЫЛОРДАЛЫҚ МЕРГЕНДЕР ЖАРЫСТЫ ЖАЛҒАСТЫРАДЫ
Алматы қаласында стенд атудан 8 облыстан 150-ге жуық спортшы қатысқан Қазақстан Республикасының чемпионатында жерлестеріміз 3 медаль олжалады. Трап бойынша Максим Коломоец Қазақстан жеңімпазы атанса, дубль-траптан Алексей Колгин күміс жүлде иеленді. Ал командалық дубль-траптан Александр Ким, Максим Зорин және Алексей Колгин 1-орынды жеңіп алды.
Спортшылар қазан айының соңында Шымкентте өтетін халықаралық турнирге, қарашада Алматыда болатын ҚР кубогының 4-кезеңіне және желтоқсанда Қазақстан кубогының ақтық сайысына қатысады.
