ЖАСТАР АРДАГЕРЛЕРГЕ ЖӘРДЕМ БЕРДІ
Қазалыда «Нұр Отан» партиясының "Ардагерлерді ардақтайық" жобасы аясында жастар ардагерлерге көмек берді. Партияның аудандық филиалы ұйымдастырған шарада Қазалы көлік-техникалық жоғары колледжінен құралған "Жас Отан" Жастар қанатының ерікті жастары кенттегі Ұлмекен Нағыметова мен Жанымай Сағидулланың үйіне барып, тазалық жұмыстарын жүргізді. Ер балалар ағаш жарып, шөп шауып, аула тазаласа, қыз балалар үй ішін жинады.
Ұйымдастырушыларға разы болған әжелер алғыстарын айтып, ақ баталарын берді.
