Kyzylorda-News.kz

       Кеше сағат 11:28 «101» пультіне Жаппасбай батыр көшесі №137 мекенжайындағы ЖШС "Алмикс" ЖШС аумағында болып жатқан өрт туралы хабарлама келіп түсті. Өрт сөндірушілер оқиға орнына келген  кезде жанып жатқан ағаштар аумағы ұлғайып, 625 шаршы метрге жетіпті. Қатты желден жалынның жақын маңайдағы қоймаға тарау қаупі туды. 

    Іске жедел кіріскен мамандар жалынның жайылып кетпеуіне бар күшін салды. Жүргізушілер суды үздіксіз жеткізіп тұрды. Шұғыл әрекеттің арқасында өрт 37 минутта оқшауланып, сағат 12: 15-те толық өшірілді.

    Өрт орнына барлығы жеке құрамнан 17 адам, 4 бірлік өрт автоцистернасы және өрт штаб автокөлігі жұмылдырылды. Қазір өрттің себебі мен шығыны анықталуда.