«ENGLISH CLUB»-ТЫҢ ЖАСТАРҒА БЕРЕРІ МОЛ
Қорқыт Ата атындағы Қызылорда мемлекеттік университетінің Экономика және ақпараттық технологиялар факультетінде «English Club» тақырыбында студент жастардың кездесуі өтті. Оған Қорқыт Ата атындағы Қызылорда мемлекеттік университетінің Стратегиялық жоспарлау проректоры, қауымдастырылған профессор Мустафа Чаглар Оздемир қатысып, студенттермен және оқытушылармен ағылшын тілінде сұхбаттасты. Ағылшын тіліндегі әңгімелесу көбінесе кітап, кино, өмірдегі қызықты оқиғалар тақырыбында өрбіді. Мустафа Чаглар Оздемир өзінің ғылым жолы туралы ағылшын тілінде бірер сөз қозғап, жастарға тағылымды әңгімелерін айтты.
Кездесу нәтижесінде осы іспеттес іс-шара әр жұма сайын, сағат 17.00-де де бас оқу ғимаратында өткізілетіні туралы келісіліп, университеттің ағылшын тіліне қызығатын барлық студенттерін шақыру туралы шешім қабылданды.
Кездесуге қатысқан студенттер өте мағыналы мағлұмат алғандығын және тілдік орта қалыптастыруда осындай еркін форматтардың алатын орны ерекше екенін атап өтті.
