IT САЛАСЫНДАҒЫ МАҢЫЗДЫ МӘСЕЛЕЛЕР ТАЛҚЫЛАНДЫ
Қорқыт Ата атындағы Қызылорда мемлекеттік университетінің «Экономика және ақпараттық технологиялар факультетінің» студенттері ақпараттық технологиялар саласының мамандарымен қатысып, IT дайджестпен танысты. Шараға Қызылорда облысының жастар саясаты мәселелері басқармасының басшысы Еркебұлан Меңлібаев пен аймақтық IT саласындағы білікті мамандары қатысты. Жиынның алғашқы бөлігінде «Информатика» мамандығының магистранты Абылай Тобашев IT дайджест жасай отырып, соңғы жаңалықтармен таныстырып өтті. Жаңалықтар негізінен ақпараттық қауіпсіздік, криптоақша саласынан болды. Ал «Қазақтелеком» АҚ -ның ақпараттық технологиялар бойынша бас инженер Сәбит Есболғанов әлемдегі криптоақша төңірегіндегі жаңалықтармен таныстырып, блокчейн алгоритмі тұрғысында әңгіме қозғады.
«ГРАНД МАСТЕР» бағдарламалау мектебінің директоры Алмат Қуанышбаев бағдарламау тілдері туралы сөз қозғап, қандай бағдарламалау тілдеріне көңіл аудару қажеттігін сөз етсе, облыстық жастар саясаты мәселесі бойынша басқарма басшысы Еркебұлан Меңлібаев облысқа керек IT кадрлар туралы айтты. Сондай-ақ Қазақстан Республикасының даму стратегиясында ақпараттық технологиялардың маңызы туралы түсіндіріп, жастарға Клаус Швабтың «4-ші өндірістік төңкеріс» кітабын оқуды ұсынды.
Жиын барысында IT жобаларды енді бастап жүрген жас стартапер Мухамедияр Нұрлыбекұлы өзінің жобаларымен таныстырып, студенттерді жобаға қатысуға шақырды.
