Kyzylorda-News.kz

     Байқоңырда жалпықалалық сенбілік өтті. Ғарыш айлағынан жасанды жер серігінің ұшқанына 60 жыл толуына орай ұйымдастырылатын шаралар қарсаңында байқоңырлықтар жұлдызды қаланың көшесін ретке келтірді.    

    Қала әкімшілігінің БАҚ-пен байланыс бөлімі хабарлағандай, сенбілікте 90-ға жуық архитектуралық бейнелер сырланып, жиектастар әктелді. Тал-дарақтар бұтағы мен аулалардағы құмшауыт алаңдар ретке келтірілді. Сенбілікке тұрғын-үй басқармасының 600-ге жуық жұмысшысы мен 7 автокөлік жұмылдырылды.

    Мектеп оқушылары мен кәсіпкерлер қалыс қалған жоқ. Олар білім ұйымдары мен жеке сауда орындарының айналасын тазартып, үлкен іске үлес қосты.

    Тазалық акциясына қатысқан еріктілер мерейтой қарсаңындағы шараға жастарды жұмылдырып,  Гагарин бульварын ретке келтірді.