Kyzylorda-News.kz

     Қызылорда облысы ТЖД Өрт сөндіру және авариялық-құтқару жұмыстары қызметі №11 өрт сөндіру бөлімінің базасында өрт сөндірушілердің от жолағынан өту бойынша психологиялық дайындық өткізілді. Іс-шараға өрт сөндіру қызметінің офицерлер құрамы және қала өрт сөндіру бөлімдерінің басшы құрамы қатысты.

    Жеке құрамның техникалық сипаттағы төтенше жағдайларға байланысты кәсіби шеберліктерін арттыру және жауынгерлік дайындығын жүйелеуге арналған шарада практикалық оқытуды дұрыс ұйымдастыруға баса назар аударылды.

    Сабақ барысында азаматтық қорғау қызметкерлері өрт жолағында қауіпті элементтерді еңсеру, қауіп-қатер кезінде өзін игеру тәсілдерін жан-жақты көрсетті.