МАУСЫМНЫҢ ЖАБЫЛУЫНДА ПЕДАГОГИКАЛЫҚ ЖАСАҚТАР МАРАПАТТАЛДЫ
Қызылордада «Ұлағат ұландары» педагогикалық жасағының жазғы маусымында жұмыс жасаған тәлімгерлерді марапаттауға арналған салтанат өтті. «Педагогикалық жасақтардың қызметін ұйымдастыру» әлеуметтік жобасы аясында ұйымдастырылған шарада ұлдар асық атудан сынға түссе, қыз балалар кесте тігуден сайысты. Ұйымдастырылған шара барысында тәлімгерлердің ата-аналары алғыс хатпен марапатталып, Қызылорда облысы жастар саясаты мәселелері басқармасының басшысы Е.Меңлібаев, Білім және ғылым қызметкерлері кәсіподағы облыстық комитетінің төрайымы Р.Байназарова және «Петро Қазақстан» Құмкөл Ресорсиз АҚ-ның басқарма төрағасы Цинь Хунвэйге сөз беріледі.
Тәлімгерлер де дипломмен, алғыс хатпен, түрлі номинациялармен марапатталады. Шара соңы концерттік бағдарламамен аяқталады.
