Kyzylorda-News.kz

      «Қорқыт және Ұлы дала сазы» фестивалі аясында бүгін белгілі өнер иелері қаланың бірқатар оқу орындарында шеберлік кластарын өткізуде.  Осы шара аясында Қазақ Ұлттық Өнер университетінің ректоры, белгілі скрипкашы Айман Мұсаходжаева Қазанғап атындағы музыкалық колледжге барды.

    Колледждегі кездесуде ұлттық музыка өнерінің дамуы, Қорқыт күйлерінің әлем әуезіне ықпалы жайында әңгіме болды.

    Осымен төртінші рет ұйымдастырылып отырған фестивальге түркі тілдес 10 мемлекеттен өнерпаздар мен фольклортанушы ғалымдар қатысуда. Гала-концерт бүгін кешке  Қармақшы ауданындағы Қорқыт ата мемориалды ескерткіш-кешенінің амфитеатрында өтеді. Онда Қазақ Ұлттық Өнер университетінің ректоры Айман Мұсаходжаева қобыз бен скрипканың сүйемелдеуімен Қорқыттың күйлерін орындайды.