ЕЛДОС ЕРМАХАНОВ УНИВЕРСИТЕТ ЖАСТАРЫМЕН КЕЗДЕСТІ

Ұлттық құрама сапында ел намысын қорғап жүрген Елдос 66 келіге дейінгі салмақ дәрежесінде 217,5 келі зілтемірді көтеріп, 3 дүркін Азия чемпионы атанды. Сондай-ақ, ол классикалық, жатып көтеруден Азия чемпионатының күміс жүлдесін иеленді. Ол бұған дейін 9 дүркін Қазақстан чемпионы, 2015, 2016 жылдардағы 2 дүркін Азия чемпионы, 2013 жылғы жастар арасында әлем чемпионы, биылғы жылдың ересектер арасындағы әлем чемпионатының күміс және қола жүлдегері атанған, халықаралық дәрежедегі спорт шебері. Келесі жылы жас спортшы Финляндияда өтетін әлем чемпионатына қатыспақ.
Кездесу барысында Елдос Ермаханов қатысушылар тарапынан қойылған сауалдарға жауап беріп, алдағы жоспарларымен бөлісті. Жиын соңында Елдос Ермахановқа «Үздік түлек» медалі табысталды.
