Kyzylorda-News.kz

 

    Қазалыдағы №249 мектеп-лицейде аудандық білім бөлімінің ұйымдастыруымен ұстаздар мерекесіне орай білім қызметкерлері арасында дене шынықтыру және спорт арқылы саламатты өмір салтын қалыптастыру мақсатында «Сергектік» эстафеталық жарысының аудандық ақтық кезеңі өткізілді.

    Жарыстың аймақтық іріктеу кезеңінде жеңімпаз атанған №25, №190, №104, №92, №204, №249 мектеп командалары ақтық кезеңде өзара бәсекеге түсті.

    Жарыстың қорытындысымен І орынды №249 мектеп-лицей командасы жеңіп алды. Жүлделі ІІ орынды №190 мектеп, ІІІ орынды №104, №204 мектеп командалары иеленді.

    Жарыстың жеңімпаздары мен жүлдегерлері аудандық білім бөлімі мен білім және ғылым қызметкерлері кәсіподағы аудандық комитетінің диплом және кубоктарымен марапатталды.