ТЕРЕҢӨЗЕКТЕ ВОЛЕЙБОЛДАН ЖАСӨСПІРІМДЕР АРАСЫНДА ХАЛЫҚАРАЛЫҚ ТУРНИР ӨТЕДІ
28-30 қыркүйек күндері Сырдария ауданының орталығы Тереңөзек кентінде волейболдан 2003-2004 жылдары туған жасөспірімдер арасында 19-халықаралық турнир өтеді. Оған еліміздің 9 облысынан және Өзбекстан, Ресей елдерінен 23 команда қатысады. Командалар төрт топқа бөлініп ойнайды. Әр топтан екі команда ширек финалға шығады.
Үшніші, төртінші орындарды сарапқа салатын ойын 30 қыркүйек сағат 10.00-де басталса, 11.30-да ақтық ойындар өтеді.
Жеңімпаз және жүлдегер командалар грамота, медаль, кубок және бағалы сыйлықтармен марапатталады.
Айта кетейік, Сырдария ауданының командасы осы турнирдің 11 мәрте жеңімпазы атанған.
