Kyzylorda-News.kz

 

    Кеше Н.Бекежанов атындағы облыстық драма театрында Қ. Жүнісовтің «Ғашықтар хикаясы» комедиясының премьерасы өтті.

    Жаңа қойылымға жатақхана бөлмесіндегі 4 жігіттің тағдыры арқау болады. Жүректерін ғашықтық дерті бойлап, сезім тәлкегіне түскен жігіттер қыздарды мейрамханаға шақырады. Бірақ сол уақытқа қыздар балгердің қабылдауына жазылып қойған екен. Ал студент жігіттер болса, өз көңілдері кетіп, ұнатып жүрген қыздарының өздеріне деген пікірлері мен ішкі сезімдерін білу үшін, әйел киімін киіп, әлгі қыздар баратын балгердің образына енеді. Оқиға қыза түсіп, сүйген қыздары ішкі сезімдерімен бөлісіп, енді ақтарыла бастағанда, шынайы балгер - Ақмақта кіріп келеді.

    Өз кінәларын мойындаған жігіттердің қылығын қыздар кешіріп, әрқайсысы өз жұбымен қол ұстасып кете барады.

    Махаббат сезімі – жастардың басты тақырыбы. Содан болар, қойылымға келген көрермен қатары қалың болды.