КЕНТ КӨРКЕЙІП КЕЛЕДІ
Соңғы жылдары Тереңөзек кентінің аумағы ұлғайып, ажарланып келеді. Өткен жылы тұрғындар өтінішіне орай «Қалғандария» өзені жағасындағы «Жалын» тынығу лагері аумағынан 176 жер телімі берілсе, жақында кенттегі Аманкелді Иманов пен Н.Ергешбаев көшелері қиылысынан тұрғын үй кешені басталды. Құрылыс жұмыстарын «Орда-құрылыс» серіктестігі жүргізіп жатыр. Жалпы осы аумаққа құны 273 млн. 280 мың теңге болатын инфрақұрылым жұмыстары жүргізілмек.
Болашақта осы аумақтан үш қабатты 9 үйдің құрылысы түседі. Ол үшін алдымен ауыз су, кәріз жүйесі жүргізіліп, электр, телефон желісі тартылып, жол салынбақ.
Қазір бұл жұмыстарға республикалық бюджеттен 98 486 689, облыстық бюджеттен 9 831 853 теңге бөлініп, тиісті жұмыстар атқарылуда.
