ПСИХОЛОГИЯЛЫҚ ПОРТРЕТ ПЕН КЕЛІССӨЗ ПРОЦЕСІ ЖАЙЛЫ
ҚР ІІМ Төтенше жағдайлар комитеті «Оңтүстік өңірлік аэроұтқыр жедел құтқару жасағы» мемлекеттік мекемесі құтқарушылары үшін «Криминалды адамның психологиялық бейнесін құрастыру» және «Келіссөз процесі» атты тақырыбында тренинг жаттығулары ұйымдастырылды. Іс-шараны жасақтың медицина-психологиялық бөлімінің бас құтқарушы – психологы Ж. Бегманова мен Қызылорда облысы ІІД Жергілікті полиция қызметінің инспектор-психологы, полиция аға лейтенанты Гүлвира Ақбенбетова жүргізді.
Тренинг барысында құтқарушыларға «Өз-өзіне баға беру», «Ренішті жою», «Сенімділікті нығайту», «Голливудтағы жұлдыздар» атты ойын-жаттығулары өткізілді. Негізгі бөлімде «Криминалды адамның психологиялық бейнесін құрастыру» және «Келіссөз процесі» жаттығуларын профайлинг әдісімен ұйымдастырылды.
Тренинг соңында құтқарушылар бүгінгі іс-шарадан алған әсерімен бөлісті. Сонымен бірге белсенділік танытқан құтқарушылар арнайы мақтау қағаздарымен марапатталды.
