ФУТБОЛДАН САЙЫС ӨТТІ
«Өрт сөндіруші» АҚ Қызылорда облысы филиалы жеке құрамының физикалық жағдайын және салауатты өмір салтын көтеру мақсатында Қызылорда қаласының «Динамо» стадионында футболдан сайыс өткізді, оған филиалдың өрт сөндіру авариялық-құтқару бөлімдерінің командалары қатысты. «Өрт сөндіруші» АҚ Қызылорда филиалы мамандарының хабарлауынша жарыстың ашылу салтанатында сала ардагерлері сөз алып, жас әріптестеріне еңбекте де, спортта да табыс тіледі.
Сала мамандары арасында сергектік пен салауатты өмір салтын насихаттауға арналған сайыстың осымен төртінші мәрте өткізіліп отырғандығын айта кетейік.
Жарыс жеңімпаздары бағалы сыйлықтармен, мақтау қағаздарымен марапатталды.
