Kyzylorda-News.kz

     Соңғы жылдары облыста мұнай өндіру көлемі төмендеп,  ірі инвестициялық жобалар  азайып келеді. Бюджет кірісінің өсу қарқыны ішкі өңірлік өнім көрсеткішіне қарағанда 2015 жылы 6,6% болса, 2016 жылы - 7,2% жетті. Бұл туралы Өңірлік коммуникация қызметінде өткен юрифингте мемлекеттік кірістер департаментінің басшысы С.Мұстафаев мәлімдеді.

    Оның айтуынша биылғы жылдың 8 айында да өсім қарқыны сақталуда. Шоғырландырылған бюджетке түсім, өткен жылдың осындай уақытымен салыстырғанда, 37,6 млрд.теңгеге (36,1 пайызға) артқан.

    - Департамент мемлекет қазынасына 8 айда 141,4 млрд.теңгенің түсімін қамтамасыз етті, республикалық бюджет жоспары 111,3 пайызға, жергілікті бюджет жоспары 117,7 пайызға орындалды. Қосымша резерв көздерінен бюджет 5,4 млрд.теңгеге толықты. Салықтық тексерулер (128 кешенді және тақырыптық) нәтижесінде 3,5 млрд.теңгенің қосымша салықтары есептелді, камералдық бақылау қорытындысымен қосымша 1,7 млрд. өндірілді, - дейді департамент басшысы.