БАЙҚАУҒА ҚАТЫСҚАН БАҚ ӨКІЛДЕРІ МАРАПАТТТАЛДЫ
«Атамекен» ҚР ҰКП байқау жүлдегерлеріне арнап марапаттау рәсімін өткізді Шараға «Атамекен» Төралқасы хатшылығының төрайымы Ләззат Рамазанова, «ТАЛАП» қолданбалы зерттеулер орталығының директоры Рахым Ошақбаев, байқау комиссиясы мүшелері, белгілі қоғам қайраткерлері мен БАҚ өкілдері қатысты.Айта кетелік, «Атамекен» ҚР ҰКП «Бизнестің жол картасы-2020» мемлекеттік бағдарламасы, қазақстандық кәсіпкерліктің Еуразиялық экономикалық одаққа мүше-мемлекеттердің нарығында жетістіктері жайында БАҚ өкілдері арасында үдік журналистік жұмысқа байқау жариялаған болатын.
Бұл байқау дәстүрлі түрде өткізіліп келеді, биыл жалпы 143 өтінім түскен. Комиссия мүшелері мен ұйымдастыру комитетінің айтуынша биыл журналистік материалдар сапасы анағұрлым артқан, жекелей сараптамалық салмақ пен зерттеулер көп.
Ең үздік жұмыстар ең жоғары баға алды. Жүлдегерлерге арнап, шара барасында «Заманауи бұқаралық ақпараттық құралдардағы экономикалық тақырыптардың ерекшелігі» атты дайын кейстер үлгісіндегі семинар-тренинг ұйымдастырды. Семинар тренері «ТАЛАП» қолданбалы зерттеулер орталығының директоры Рахым Ошақбаев болды. Ұтымды бизнес кейстер, әлеуметтік желіге пост жазу сынды пайдалы ақпарат берілді.
Жүлдегерлерді марапаттау рәсімін «Атамекен» Төралқасы хатшылығының төрайымы Ләззат Рамазанова ашып, байқау қатысушыларына алғысын білдірді.
Ұйымдастыру комитетінің төрағасы Қанат Сахариянов мұндай шаралардың өңірлерде шағын және орта бизнесті көтерудегі маңызын атап өтті.
Жеңіске жеткен журналситер мынадай аталымдар бойынша марапатталды:
Баспасөз БАҚ-та жарық көрген үздік сараптамалық материал:
І орын – «Тараз таймс» қоғамдық газетінің тілшісі Қуаныш Иембердиев;
ІІ орын – «Проспект СК» Петропавл қоғамдық газетінің тілшісі Евгения Шоль;
ІІІ орын – «Жетісу» Алматы облыстық қоғамдық-саяси, әлеуметтік-экономикалық газетінің тілшісі Қажет Андас;
IV орын – «Шымкент келбеті» қоғамдық газетінің тілшісі Сапарғали Қанат.
Телевизиядағы үздік репортаж: ақпараттық-сараптамалық бағдарламаға арналған сюжет, деректі фильм:
І орын – «Первый северный» Петропавл телеарнасы журналисі Сәлима Сағындықова;
ІІ орын – «Астана» телеарнасы журналисі Әйгерім Жантурина;
ІІІ орын – «Қазақстан Қарағанды» телеарнасы тілшісі Эльмира Исаханова;
IV орын – «ABCTV» телеарнасы тілшісі Әнуар Карбозов.
Интернет-БАҚ- та жарық көрген үздік сараптамалық материал:
І орын – «Казах зерно» порталының тілшісі Тимур Түркістанов;
ІІ орын – «7kun.kz» ақпараттық порталының тілшісі Мейірхан Амангелдиев;
ІІІ орын – «ҚазАқпарат» халықаралық ақпараттық агенттігінің тілшісі Арман Асқар;
IV орын – «ABCTV» порталының тілшісі Олег Гусев.
Үздік радио-сюжет:
І орын – «Қазақ радиосы» Алматы филиалының тілшісі Гүлбағыш Бостанова;
ІІ орын – «Қазақ радиосы» тілшісі Аида Баймақова;
ІІІ орын – «Халық радиосы» Павлодар тілшісі Гүлсім Қобжанова;
IV орын – «Қазақ радиосы» тілшісі Базарбай Ерісұлы.
