Kyzylorda-News.kz

     Қызылордада «Үздік газ түтіннен қорғау қызметінің буыны» сайысы өтті. Жарысқа облыстық өрт сөндіру бөлімдерінің қызметкерлері қатысты.

    Оқытылған және аттестатталған азаматтық қорғау қызметкерлері өртті сөндіру және авариялық қалпына келтіру бойынша жарамсыз ортада жұмыс істеуге бірнеше кезеңнен жарысты.

    Бірінші кезеңде әрбір өрт сөндірушілерге формулалар бойынша теориялық бөлігін өтуге, сондай-ақ осы формулалар негізінде мәселені шешуге тура келді.

    Келесі кезеңдер №1 мамандандырылған өрт сөндіру бөлімінің базасында өткізілді. Мұнда газ түтінен қорғау қызметінің буыны оқу мұнарасының төртінші қабатынан құтқару жұмыстарын жүргізді. Содан кейін торапты жол жұмыс желісін жүргізу үшін жауынгерлік жеңдерін қанат жайып жүргізді.

    IV кезеңде өрт сөндірушілер ЖТК-5 кешенінің жылу-түтін камерасында өзінің кәсіби қабілеттерін көрсетті. Газ түтінен қорғау қызметінің буыны тыныс алуға жарамсыз ортада жасанды үйінділердің арасынан өту керек, содан кейін басқа бөлмедегі нөлдік көрініс түтін арасынан зардап шегушіні тауып қауіпсіз жерге алып шығу керек. Байқаудың қорытынды бөлігі психологиялық от жолынан өту.

    «Үздік газ түтіннен қорғау қызметінің буыны» Қызылорда облысы бойынша бірінші орынды №11 өрт сөндіру бөлімі иеленді. Екінші орын №1 мамандандырылған өрт сөндіру бөлімі. Үшінші орынды Жалағаш ауданы №6 өрт сөндіру бөлімінің газ түтінен қорғау буыны алды.