ЖАҢА ТУЫНДЫЛАРМЕН ТАНЫСТЫ
Ә.Тәжібаев атындағы әмбебап-ғылыми кітапхана ұжымы М.Мәметова атындағы гуманитарлық педагогикалық колледжінде Ақпарат күнін ұйымдастырды. Оқырмандарға кітап оқуды насихаттау, жаңа әдебиеттермен таныстыру, салалық әдебиеттерге деген қызығушылықты арттыруға арналған шараға жастар белсене қатысты.
Жастарды әсіресе «Мәңгілік Ел-Қазақстан» фотоальбомы қызықтырды. Сонымен қатар, «Қазақтың зергерлік өнер әлемі» атты 2 томдық туынды мен «Мәңгілік құндылықтар» атты кітапты тамашалаушылар көп болды. Еліміздегі 130 этнос өкілдерінің өнері жайында кеңінен суреттелген «Қазақстан халқының өнері» атты жинақ та жастар назарына ұсынылды.
Сонымен қатар болашақ музыка мамандарына Ресей баспаларынан жарық көрген кәсіби басылымдар таныстырылды.
